🙏 Hanuman Bajrang Baan Lyrics in Hindi PDF | हनुमान बजरंग बाण 🌺

Hanuman Bajrang Baan Lyrics in Hindi PDF | हनुमान बजरंग बाण

🙏ૐ🙏
|| हनुमान बजरंग बाण ||

Hanuman Bajrang Baan Lyrics in Hindi PDF

॥ दोहा ॥

─── ⋆⋅☆⋅⋆ ───
निश्चय प्रेम प्रतीत ते, विनय करें सनमान |
तेहि के कारज सकल शुभ, सिद्ध करैं हनुमान ||
─── ⋆⋅☆⋅⋆ ───

॥ चौपाई ॥

─── ⋆⋅☆⋅⋆ ───
जय हनुमंत संत हितकारी |
सुन लीजै प्रभु अरज हमारी || १ ||

जन के काज विलम्ब न कीजै |
आतुर दौरि महा सुख दीजै || २ ||

जैसे कूदि सिन्धु वहि पारा |
सुरसा बद पैठि विस्तारा || ३ ||

आगे जाई लंकिनी रोका |
मारेहु लात गई सुर लोका || ४ ||

जाय विभीषण को सुख दीन्हा |
सीता निरखि परम पद लीन्हा || ५ ||

बाग उजारी सिंधु महं बोरा |
अति आतुर यम कातर तोरा || ६ ||

अक्षय कुमार मारि संहारा |
लूम लपेट लंक को जारा || ७ ||

लाह समान लंक जरि गई |
जय जय धुनि सुर पुर महं भई || ८ ||

अब विलम्ब केहि कारण स्वामी |
कृपा करहु उर अन्तर्यामी || ९ ||

जय जय लक्ष्मण प्राण के दाता |
आतुर होय दुख हरहु निपाता || १० ||

जै गिरिधर जै जै सुखसागर |
सुर समूह समरथ भटनागर || ११ ||

ॐ हनु हनु हनु हनु हनुमन्त हठीले |
बैरिहिं मारू बज्र की कीले || १२ ||

गदा बज्र लै बैरिहिं मारो |
महाराज प्रभु दास उबारो || १३ ||

ॐ कार हुंकार महाप्रभु धावो |
बज्र गदा हनु विलम्ब न लावो || १४ ||

ॐ ह्नीं ह्नीं ह्नीं हनुमंत कपीसा |
ॐ हुं हुं हुं हनु अरि उर शीशा || १५ ||

सत्य होहु हरि शपथ पाय के |
रामदूत धरु मारु धाय के || १६ ||

जय जय जय हनुमंत अगाधा |
दु:ख पावत जन केहि अपराधा || १७ ||

पूजा जप तप नेम अचारा |
नहिं जानत कछु दास तुम्हारा || १८ ||

वन उपवन, मग गिरि गृह माहीं |
तुम्हरे बल हम डरपत नाहीं || १९ ||

पांय परों कर जोरि मनावौं |
यहि अवसर अब केहि गोहरावौं || २० ||

जय अंजनि कुमार बलवन्ता |
शंकर सुवन वीर हनुमंता || २१ ||

बदन कराल काल कुल घालक |
राम सहाय सदा प्रति पालक || २२ ||

भूत प्रेत पिशाच निशाचर |
अग्नि बेताल काल मारी मर || २३ ||

इन्हें मारु तोहिं शपथ राम की |
राखु नाथ मरजाद नाम की || २४ ||

जनकसुता हरि दास कहावौ |
ताकी शपथ विलम्ब न लावो || २५ ||

जय जय जय धुनि होत अकाशा |
सुमिरत होत दुसह दुःख नाशा || २६ ||

चरण शरण कर जोरि मनावौ |
यहि अवसर अब केहि गौहरावौं || २७ ||

उठु उठु चलु तोहिं राम दुहाई |
पांय परौं कर जोरि मनाई || २८ ||

ॐ चं चं चं चं चपल चलंता |
ॐ हनु हनु हनु हनु हनुमंता || २९ ||

ॐ हं हं हांक देत कपि चंचल |
ॐ सं सं सहमि पराने खल दल || ३० ||

अपने जन को तुरत उबारो |
सुमिरत होय आनन्द हमारो || ३१ ||

यह बजरंग बाण जेहि मारै |
ताहि कहो फिर कौन उबारै || ३२ ||

पाठ करै बजरंग बाण की |
हनुमत रक्षा करैं प्राण की || ३३ ||

यह बजरंग बाण जो जापै |
तेहि ते भूत प्रेत सब कांपे || ३४ ||

धूप देय अरु जपै हमेशा |
ताके तन नहिं रहै कलेशा || ३५ ||
─── ⋆⋅☆⋅⋆ ───