🙏 Arjuna Kruta Durga Stotram in Hindi PDF | अर्जुन कृत दुर्गा स्तोत्रम् 🌺

Arjuna Kruta Durga Stotram in Hindi PDF | अर्जुन कृत दुर्गा स्तोत्रम्

🙏ૐ🙏
|| अर्जुन कृत दुर्गा स्तोत्रम् ||

Arjuna Kruta Durga Stotram Lyrics in Hindi

─── ⋆⋅☆⋅⋆ ───
अर्जुन उवाच
नमस्ते सिद्धसेनानि आर्ये मंदरवासिनि |
कुमारि कालि कापालि कपिले कृष्णपिंगले || १ ||

भद्रकालि नमस्तुभ्यं महाकालि नमोऽस्तु ते |
चंडि चंडे नमस्तुभ्यं तारिणि वरवर्णिनि || २ ||

कात्यायनि महाभागे करालि विजये जये |
शिखिपिंछध्वजधरे नानाभरणभूषिते || ३ ||

अट्टशूलप्रहरणे खड्गखेटकधारिणि |
गोपेंद्रस्यानुजे ज्येष्ठे नंदगोपकुलोद्भवे || ४ ||

महिषासृक्प्रिये नित्यं कौशिकि पीतवासिनि |
अट्टहासे कोकमुखे नमस्तेऽस्तु रणप्रिये || ५ ||

उमे शाकंभरि श्वेते कृष्णे कैटभनाशिनि |
हिरण्याक्षि विरूपाक्षि सुधूम्राक्षि नमोऽस्तु ते || ६ ||

वेदश्रुतिमहापुण्ये ब्रह्मण्ये जातवेदसि |
जंबूकटकचैत्येषु नित्यं सन्निहितालये || ७ ||

त्वं ब्रह्मविद्या विद्यानां महानिद्रा च देहिनाम् |
स्कंदमातर्भगवति दुर्गे कांतारवासिनि || ८ ||

स्वाहाकारः स्वधा चैव कला काष्ठा सरस्वती |
सावित्री वेदमाता च तथा वेदांत उच्यते || ९ ||

स्तुतासि त्वं महादेवि विशुद्धेनांतरात्मना |
जयो भवतु मे नित्यं त्वत्प्रसादाद्रणाजिरे || १० ||

कांतारभयदुर्गेषु भक्तानां चालयेषु च |
नित्यं वससि पाताले युद्धे जयसि दानवान् || ११ ||

त्वं जंभनी मोहिनी च माया ह्रीः श्रीस्तथैव च |
संध्या प्रभावती चैव सावित्री जननी तथा || १२ ||

तुष्टिः पुष्टिर्धृतिर्दीप्तिश्चंद्रादित्यविवर्धिनी |
भूतिर्भूतिमतां संख्ये वीक्ष्यसे सिद्धचारणैः || १३ ||

|| इति श्रीमन्महाभारते भीष्मपर्वणि त्रयोविंशोऽध्याये अर्जुन कृत श्री दुर्गा स्तोत्रम् ||
─── ⋆⋅☆⋅⋆ ───